Հայաստան - Եվրամիություն գործընկերության մասին քննարկման վերաբերյալ

10 հուլիսի, 2025

Հուլիսի 10-ին ԵՄ-ում ՀՀ ներկայացուցչությունը “Diplomatic World” միջազգային ամսագրի հետ համատեղ կազմակերպել էր Հայաստանի և Եվրամիության գործընկերության, տարածաշրջանային զարգացումների վերաբերյալ քննարկում։

Որպես հիմնական բանախոս՝ դեսպան Տիգրան Բալայանը համապարփակ կերպով անդրադարձ է կատարել ՀՀ-ԵՄ մերձեցման ուղղությամբ ՀՀ կառավարության կողմից ձեռնարկվող քայլերին, ներկայացրել համագործակցության խորացման հնարավորությունները և այդ ճանապարհին առկա մարտահրավերները։

Տարածաշրջանային զարգացումների համատեքստում դեսպան Բալայանը ընդգծել է տարաշրջանային կապուղիների ապաշրջափակման կարևորությունը՝ ներկայացնելով ՀՀ կառավարության կողմից մշակված “Խաղաղության խաչմերուկ” նախագիծը։

Հանդիպմանը ներկա են եղել ԵՄ տարբեր կառույցների, ուղեղային կենտրոնների, ՀԿ-ների, վերլուծական հիմնադրամների և ակադեմիական շրջանակների ներկայացուցիչներ, լրագրողներ, ովքեր կիսվել են իրենց տեսակետներով և հարցեր ուղղել դեսպանին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր