Դեսպան Բալայանի մասնակցությունը Եվրամիություն-Հայաստան քաղաքացիական հասարակության հարթակի 7-րդ նիստին

05 դեկտեմբերի, 2025

Դեկտեմբերի 5-ին դեսպան Բալայանը մասնակցեց Եվրամիություն-Հայաստան քաղաքացիական հասարակության հարթակի 7-րդ նիստին և CEPA համաձայնագրի իրականացման ընթացքին նվիրված քննարկմանը։

Դեսպան Բալայանը ներկայացրեց համաձայնագրով նախատեսված համագործակցության հիմնական ուղղություններում իրականացվող աշխատանքները, այդ թվում՝ կառավարման բարելավման, տնտեսական և ոլորտային քաղաքականությունների համադրման, ինչպես նաև կապակցվածության ու զարգացման նախաձեռնությունների առաջմղման ուղղությամբ ընթացող ծրագրերը։

Դեսպան Բալայանն անդրադարձավ ՀՀ-ԵՄ գործընկերության ռազմավարական օրակարգով սահմանված նոր առաջնահերթությունները` ընդգծելով տնտեսական զարգացման խթանումը, առևտրի բազմազանեցումը, անվտանգության և դիմակայունության բարձրացումը, ինչպես նաև տարածաշրջանային մարտահրավերներին արձագանքելու համատեղ մոտեցումները։

Ելույթի ավարտին Տ. Բալայանը նշեց, որ ռազմավարական օրակարգը կողմերի միջև համագործակցությունը տեղափոխում է նոր, ավելի բարձր մակարդակ՝ միաժամանակ ամրապնդելով Հայաստանի եվրոպական ուղղվածությունը և շեշտելով ԵՄ-ի պատրաստակամությունը՝ աջակցելու երկրի երկարաժամկետ նպատակներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր