Դեսպան Բալայանի դասախոսությունը Եվրոպայի քոլեջում

16 փետրվարի, 2026

Փետրվարի 16-ին Եվրոպայի քոլեջի հայ-վրաց-ֆրանսիական ազգային շաբաթվա շրջանակներում դեսպան Տ. Բալայանը հանդես եկավ դասախոսությամբ։

ՀՀ դեսպանը ուսանողներով լի դահլիճում անդրադարձավ ՀՀ-ԵՄ ռազմավարական գործընկերության օրակարգին, վաշինգտոնյան համաձայնություններին, ԱՄՆ փոխնախագահ Ջեյ Դի Վենսի այցին, ինչպես նաև ՀՀ կառավարության «Խաղաղության խաչմերուկ» ենթակառուցվածքային ծրագրին ու «TRIPP» ուղուն և վերջինիս իրագործման արդյունքում բացվող հնարավորություններին։

Դեսպան Բալայանը հանգամանալից ներկայացրեց Հայաստանի հետևողական ջանքերը տարածաշրջանում հարատև խաղաղության ինստիտուցիոնալացման ուղղությամբ, այդ համատեքստում ընդգծելով Ադրբեջանում պահվող հայ պատանդների օր առաջ ազատման կարևորությունը:

Պատասխանելով ուսանողների հարցերին` ՀՀ դեսպանը ներկայացրեց ՀՀ արտաքին քաղաքականության գերակայությունները, տարածաշրջանային վերջին զարգացումները և այս համատեքստում ՀՀ հարաբերությունները հարևան երկրների և միջազգային գործընկերների հետ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր