Հայաստանի դեսպանը ելույթ ունեցավ Եվրոպական խորհրդարանում Լեռնային Ղարաբաղի էթնիկ զտման և հայ պատանդների մասին համաժողովին

05 նոյեմբերի, 2024

Նոյեմբերի 5-ին Եվրոպական խորհրդարանի ԵԺԿ խմբակցության պատգամավոր Լուկաս Ֆուռլասի հովանավորությամբ տեղի ունեցավ “COP29 in Baku: Greenwashing an ethnic cleansing” խորագրով համաժողովը, որը կազմակերպվել էր Բրյուսելի Հայ դատի գրասենյակի կողմից։ Համաժողովի բանախոսներն էին՝ Միջազգային գործընկերություն հանուն մարդու իրավունքների կազմակերպության Արևելյան Եվրոպայի և Հարավային Կովկասի մասին ծրագրի ղեկավար Սիմոն Պապուաշվիլին, միջազգային իրավաբան Կատալինա դը լա Սոտան, Լեռնային Ղարաբաղի լրագրող Սիրանուշ Սարգսյանը և Ռուբեն Վարդանյանի որդին՝ Դավիթ Վարդանյանը։

Համաժողովին ողջույնի խոսքով հանդես եկավ դեսպան Տիգրան Բալայանը, ով բարձր գնահատեց Եվրախորհրդարանի հետևողական ջանքերն Ադրբեջանում ապօրինի պահվող հայ պատանդների ազատ արձակման գործում՝ ընդգծելով, որ Հայաստանի իշխանություններն անդադար աշխատում են օր առաջ հասնելու հայրենակիցների ազատագրմանը։

Այս համատեքստում նա կարևորց գործընկեր երկրների սկզբունքային դիրքորշումն ու գործնական քայլերը՝ խնդրի վերջնական կարգավորման ուղղությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր