ԵՄ-Հայաստան էներգետիկայի, տրանսպորտի, շրջակա միջավայրի, կլիմայի գործողությունների և քաղաքացիական պաշտպանության հարցերով ենթակոմիտեի 9-րդ նիստ

23 մարտի, 2026

Ս․թ․ մարտի 23-ին Բրյուսելում կայացել է ԵՄ-Հայաստան էներգետիկայի, տրանսպորտի, շրջակա միջավայրի, կլիմայի գործողությունների և քաղաքացիական պաշտպանության հարցերով ենթակոմիտեի 9-րդ նիստը Տարածքային կառավարման և ենթակառուցվածքների նախարարի տեղակալ Արմեն Սիմոնյանի համանախագահությամբ։

Նիստին հանգամանալից քննարկվել են էներգետիկայի, տրանսպորտի, շրջակա միջավայրի, կլիմայի գործողությունների և քաղաքացիական պաշտպանության ոլորտներում Հայաստանում և ԵՄ-ում վերջին զարգացումները, ինչպես նաև այդ ուղղություններով Հայաստան-ԵՄ համագործակցության ընթացքն ու ԵՄ աջակցության ծրագրերը։

Նիստին, բացման խոսքով հանդես է եկել ԵՄ-ում ՀՀ ներկայացուցչության ղեկավար Տիգրան Բալայանը` վերահաստատելով հայաստանյան կողմի հանձնառությունն ու շահագրգռվածությունը ոլորտային տարբեր ուղղություններով Հայաստան-ԵՄ համագործակցության շարունակական զարգացման և խորացման ուղղությամբ։ Այս համատեքստում, դեսպան Բալայանն ընդգծել է նաև, որ ՀՀ-ԵՄ հարաբերություններում անկյունաքարային է դարձել կապակցվածության օրակարգը, որի ուղղությամբ ընթանում է ամենօրյա նպատակաուղղված աշխատանք բազմաշերտ մակարդակներով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր