ԵՄ-ում ՀՀ ներկայացուցչության ղեկավար, դեսպան Թ. Մարգարյանը հանդիպում ունեցավ ՀՀ-ԵՄ խորհրդարանական գործընկերության կոմիտեում Եվրոպական խորհրդարանի պատվիրակության ղեկավար Մ․ Կալյուրանդի հետ

05 նոյեմբերի, 2019

2019թ. նոյեմբերի 5-ին ԵՄ-ում ՀՀ ներկայացուցչության ղեկավար, դեսպան Թաթուլ Մարգարյանը հանդիպում ունեցավ Հայաստան-ԵՄ խորհրդարանական գործընկերության կոմիտեում Եվրոպական խորհրդարանի պատվիրակության ղեկավար Մարինա Կալյուրանդի հետ:

Հանդիպմանը կողմերը մտքեր փոխանակեցին Հայաստանի և ԵՄ միջև գործընկերության, այդ թվում՝ միջխորհրդարանական հարաբերությունների զարգացման ընթացքի և օրակարգային հարցերի վերաբերյալ:

Զրուցակիցները քննարկեցին Հայաստան-ԵՄ խորհրդարանական գործընկերության կոմիտեի հերթական՝ 2-րդ նիստի անցկացմանը, ինչպես նաև ՀՀ Ազգային ժողովի և Եվրոպական խորհրդարանի համապատասխան հանձնաժողովների ու պատվիրակությունների միջև փոխայցելություններին առնչվող հարցեր:

Հանդիպման ընթացքում դեսպան Թ. Մարգարյանը և Մ. Կալյուրանդն անդրադարձ կատարեցին նաև «Եվրանեսթ» խորհրդարանական վեհաժողովի շրջանակներում կողմերի փոխգործակցության հարցերին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր