Եվրոպական խորհրդարանը ոգեկոչեց Հայոց ցեղասպանության 109-րդ տարելիցը

24 ապրիլի, 2024

Ապրիլի 24-ին Եվրոպական խորհրդարանը ոգեկոչեց Հայոց ցեղասպանության 109-րդ տարելիցը։ Անվտանգության և պաշտպանության հարցերով ենթակոմիտեի նախագահ Նատալի Լուազոն Խորհրդարանի անունից հանդես եկավ հետևյալ ելույթով․

«1915 թվականի ապրիլի 24-ին Օսմանյան կայսրության մայրաքաղաք Կոստանդնուպոլսում կառավարության հրամանով ձերբակալվել և սպանվել են մոտ 600 հայ։ Այս դեպքը նախանշեց Հայոց ցեղասպանության սկիզբը, որի ընթացքում զոհվեց այն ժամանակվա հայ բնակչության 3/4-ը։ Միջազգային հանրությունը չարձագանքեց։

Մի քանի ամիս առաջ Ադրբեջանը 100 հազար հայ բնակչությանը բռնի ուժով արտաքսեց Լեռնային Ղարաբաղից։ Հայ ժողովուրդը փաստացի վերապրել է և՛ 20-րդ դարի առաջին ցեղասպանությունը, և՛ 21-րդ դարի առաջին էթնիկ զտումը։ Եվ մեր արձագանքը կրկին համարժեք չէր:

Այսպիսով, Հայոց ցեղասպանության հիշատակի այս օրը, տիկի՛ն Նախագահ, ես ձեզանից ոչ մի րոպե լռություն չեմ խնդրում։ Ընդհակառակը, խնդրում եմ բոլոր եվրոպացիներին խոսել և գործել, քանի որ հայ ժողովուրդն այսօր էլ է կանգնած վտանգի առջև»։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր