Բրյուսելում Հայաստանի դեսպանի հանդիպումը Եվրաջասթի նախագահի հետ

30 սեպտեմբերի, 2024

Սեպտեմբերի 30-ին ԵՄ ՀՀ առաքելության ղեկավար դեսպան Տիգրան Բալայանը հանդիպեց Եվրաջասթի նախագահ Լադիսլավ Համրանին։

Զրուցակիցներն ամփոփեցին անցյալ շաբաթ Եվրաջասթի պատվիրակության Հայաստան կատարած այցելության արդյունքները, ինչպես նաև ՀՀ Գլխավոր դատախազության և այլ իրավապահ մարմինների հետ Եվրաջասթի համագործակցության հարցերը։

Հանդիպմանը դեսպան Բալայանը Եվրաջասթի նախագահին հանձնեց ՀՀ Գլխավոր դատախազության Համագործակցության մեդալը՝ ի գնահատանք Եվրաջասթի և Գլխավոր դատախազության միջև փոխգործակցության հաստատման և ամրապնդման գործում Լադիսլավ Համրանի ունեցած նշանակալի ավանդի։

Նախագահ Համրանը հայտնեց իր խորին երախտագիտությունը ՀՀ Գլխավոր դատախազ Աննա Վարդապետյանին և դատախազության գործընկերներին իր գործունեության գնահատականի և համագործակցության օրինակելի բարձր մակարդակի համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր