Հայաստանին նվիրված շաբաթը Եվրոպայի քոլեջում

25 փետրվարի, 2025

Փետրվարի 25-ին Բելգիայի քաղաք Բրյուգեում գտնվող Եվրոպայի քոլեջում հայ ուսանողների նախաձեռնությամբ և Բելգիայում Հայաստանի դեսպանության աջակցությամբ տեղի ունեցավ Հայաստանին նվիրված ազգային շաբաթի բացման հանդիսավոր արարողությունը, որին հաջորդեց նաև հայկական գինիների համտես։

Արարողությանը ներկա էին Եվրոպայի քոլեջի ուսանողները, ինչպես նաև պրոֆեսորադասախոսական կազմը։ Հայկական անկյունում ներկայացված էին Հայաստանի մասին գրքեր, թռուցիկներ, տեղեկատվական բրոշյուրներ,«Խաղաղության խաչմերուկ» նախաձեռնության մասին տեղեկատվական նյութեր, ինչպես նաև հուշանվերներ։

Ազգային շաբաթը եզրափակվեց Հայաստանի մշակույթին նվիրված միջոցառմամբ, որի ընթացքում ներկայացվեցին հայ ազգային պարերը՝ Անտվերպենի հայկական պարային համույթի կատարմամբ, ինչպես նաև Հայաստանի մշակույթի և կրոնի մասին պատմող տեսանյութ։

Մշակութային օրվա ընթացքում բոլոր ներկաները հնարավորություն ունեցան համտեսել հայկական գաթա և մասնակցել Հայաստանի պատմության և աշխարհագրության մասին խաղ-հարցուպատասխանին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր