Հայաստան - Եվրամիություն գործընկերության շուրջ քննարկում Միջազգային հարաբերությունների լեհական ինստիտուտի բրյուսելյան գրասենյակում

24 մարտի, 2025

Մարտի 24-ին ԵՄ-ում ՀՀ առաքելությունը Միջազգային հարաբերությունների լեհական ինստիտուտի հետ (PISM) համատեղ կազմակերպել էր քննարկում, որի ընթացքում անդրադարձ է կատարվել Հայաստանի և Եվրամիության գործընկերությանը և նոր բացվող հեռանկարներին։

Որպես հիմնական զեկուցող հանդես եկավ դեսպան Տիգրան Բալայանը, ով հանգամանալից խոսեց ՀՀ-ԵՄ մերձեցման ուղղությամբ ձեռնարկվող քայլերի և առկա մարտահրավերների վերաբերյալ։

Քննարկմանը ներկա էին դիվանագետներ և վերլուծաբաններ, ԵՄ տարբեր կառույցների ներկայացուցիչներ։

Մանրամասն մտքեր են փոխանակվել Հայաստանի և տարածաշրջանային զարգացումներին առնչվող հարցերի շուրջ, որտեղ ընդգծվել է տարածաշրջանային համագործակցության և փոխկապակցվածության կարևորությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր