Դեսպան Բալայանի հանդիպումը ԵՄ ռազմական կոմիտեի նախագահի հետ

13 հոկտեմբերի, 2025

Հոկտեմբերի 13-ին դեսպան Տիգրան Բալայանը հանդիպում ունեցավ ԵՄ ռազմական կոմիտեի նախագահ, գեներալ Շոն Կլանսիի (Seán Clancy) հետ: Հանդիպման ընթացքում դեսպանը ներկայացրեց ԵՄ-ում ՀՀ առաքելությանը կից նորանշանակ ռազմական կցորդ, գնդապետ Վարդան Հովակիմյանին:

Դեսպան Բալայանն ընդգծեց, որ առաջին ռազմական կցորդի հավատարմագրումը խորհրդանշում է ՀՀ-ԵՄ խորացող համագործակցությունը՝ շեշտելով վերջինիս ընդլայնումը նաև պաշտպանական և անվտանգային ոլորտներում։

Զրույցի ընթացքում անդրադարձան պաշտպանական ոլորտում զարգացման համագործակցության հնարավորություններին՝ շեշտելով Հայաստանի պատրաստակամությունը մասնակցել ԵՄ առաքելություններին, որոնք նպատակ ունեն ուժեղացնել տարածաշրջանային և գլոբալ անվտանգությունը, ինչպես նաև նպաստել կայունության ու խաղաղության պահպանմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր