Դեսպան Բալայանի դասախոսությունը Եվրոպական միության դիվանագիտական ակադեմիայում

14 նոյեմբերի, 2025

Նոյեմբերի 14-ին դեսպան Տիգրան Բալայանը ձևավորված ավանդույթի համաձայն դասախոսությամբ հանդես եկավ Եվրոպական միության դիվանագիտական ակադեմիայի 2025-26թթ. ուսումնական ունկնդիրների համար։

Դեսպանն իր ներածական խոսքում անդրադարձավ օգոստոսի 8-ի վաշինգտոնյան համաձայնագրերին, ՀՀ-ԵՄ գործընկերության օրակարգին, ՀՀ կառավարության «Խաղաղության խաչմերուկ» նախագծին, ինչպես նաև տարածաշրջանային զարգացումներին ու այդ համատեքստում Եվրոպական միությունից ակնկալիքներին:

ՀՀ դեսպանը մասնավորապես ընդգծեց հարատև խաղաղության կարևորությունը` այդ համատեքստում շեշտելով Բաքվում ապօրինաբար պահվող հայ պատանդների անհապաղ վերադարձի հրամայականը։

Դասախոսությունից հետո ԵՄ անդամ և թեկնածու երկրների մի շարք դիվանագետներ, ԵՄ կառույցների ներկայացուցիչներ իրենց հարցերը ուղղեցին դեսպանին` Հայաստանի արտաքին քաղաքականության, հարևան երկրների հետ փոխգործակցության, ՀՀ բնակչության եվրոպական հավակնությունների վերաբերյալ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր