ՀՀ ներկայացուցչությունը հյուրընկալել է Կոնրադ Ադենաուեր հիմնադրամի Անվտանգության քաղաքականության սեմինարի ուսանողներին

02 ապրիլի, 2026

Ս․թ․ ապրիլի 2-ին ԵՄ-ում ՀՀ ներկայացուցչությունը հյուրընկալել է Կոնրադ Ադենաուեր հիմնադրամի Անվտանգության քաղաքականության սեմինարի ուսանողներին։

ԵՄ-ում ՀՀ ներկայացուցչության դիվանագետները ներկայացրել են Հայաստան-ԵՄ համագործակցության ընթացիկ ուղղությունները՝ ընդգծելով ռազմավարական գործընկերության օրակարգը և դրա իրականացման մեխանիզմները։ Նրանք անդրադարձել են նաև ընթացիկ տարվա մայիսին նախատեսվող բարձրաստիճան միջոցառումներին, մասնավորապես՝ Եվրոպական քաղաքական համայնքի 8-րդ գագաթնաժողովին և Հայաստան-ԵՄ անդրանիկ գագաթնաժողովին, ինչպես նաև գործընկերության հետագա ընդլայնման հեռանկարներին։

Միջոցառումն ավարտվել է հարցուպատասխանի հատվածով, որի ընթացքում ուսանողները բարձրացրել են իրենց հետաքրքրող հարցերը Հայաստան–ԵՄ հարաբերությունների տարբեր ուղղությունների վերաբերյալ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր