Հայաստանի դեսպանը հանդիպեց արդախության դեմ պայքարի եվրոպական գրասենյակի նորանշանակ տնօրենին

19 մայիսի, 2026

Դեսպան Տիգրան Բալայանը մայիսի 19-ին հանդիպել է Խարդախության դեմ պայքարի եվրոպական գրասենյակի նորանշանակ գլխավոր տնօրեն Պյոտր Կլեմենտին։

Հանդիպման ընթացքում կողմերը քննարկել են Հայաստան–Եվրոպական միություն համագործակցության խորացման հեռանկարները՝ մասնավորապես իրավապահ, հետաքննությունների, խարդախությունների դեմ պայքարի ոլորտում ինստիտուցիոնալ կարողությունների զարգացման վերաբերյալ հարցերը։

Առանձնահատուկ ուշադրություն է դարձվել Հայաստանի իրավապահ և վերհասկողական կառույցների ու եվրոպական գործընկեր հաստատությունների միջև կապերի զարգացման հնարավորություններին։

Զրուցակիցներն ընդգծել են, որ համագործակցության հետագա ընդլայնումը համահունչ է Հայաստան–ԵՄ ռազմավարական օրակարգի առաջնահերթություններին և հիմնվում է Հայաստան-Եվրամիություն գագաթաժողովի արդյունքներով արձանագրված առաջընթացի վրա։

Կողմերը կարևորել են նաև արդյունավետ համագործակցության նշանակությունը՝ թափանցիկության, հաշվետվողականության և ինստիտուցիոնալ կայունության ամրապնդման համատեքստում՝ նշելով, որ այս ուղղություններով գործակցությունը կարող է նպաստել Հայաստանի շարունակվող բարեփոխումների գործընթացին և եվրոպական չափանիշներին առավել սերտ մոտարկմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր