ԵՄ-ում ՀՀ ներկայացուցչությունը հյուրընկալեց Եվրոպական խորհրդարանում Հայաստանի հետ բարեկամության խմբի անդամներին

09 նոյեմբերի, 2021

Նոյեմբերի 9-ին ԵՄ-ում ՀՀ ներկայացուցչությունը հյուրընկալեց Եվրոպական խորհրդարանում Հայաստանի հետ բարեկամության խմբի անդամներին:

Միջոցառումը կազմակերպվել էր բարեկամության խմբի ղեկավար, Եվրոպական խորհրդարանի անդամ Լուկաս Ֆուռլասի (ԵԺԿ, Կիպրոս) հետ համատեղ՝ պաշտոնապես մեկնարկելու խմբի գործունեությունը:

Միջոցառումը փոխկապակցվեց նաև Հայաստանի անկախության հռչակման 30-րդ տարելիցի հետ:

Ներկաները նախ մեկ րոպե լռությամբ հարգանքի տուրք մատուցեցին Արցախյան երկրորդ պատերազմի զոհերի հիշատակին:

Դեսպան Աղաջանյանը շնորհակալություն հայտնեց Եվրոպական խորհրդարանի անդամներին հատկապես նախորդ՝ մարտահրավերներով լի տարվա ընթացքում ցուցաբերած սկզբունքային մոտեցման, Հայաստանի և հայ ժողովրդի կողքին լինելու և փոխադարձ արդյունավետ համագործակցության համար:

Լուկաս Ֆուռլասն ընդգծեց անկախության տարիների ընթացքում Հայաստանի ձեռքբերումները, ընտրված ժողովրդավարական ուղին և ներկայիս բարդ իրավիճակում ու աշխարհաքաղաքական խրթին միջավայրում հայ ժողովրդին աջակցելու իր հանձնառությունը: Պատգամավորները գոհունակությամբ նշեցին նաև Հայաստանի ու իրենց երկրներից յուրաքանչյուրի միջև մշակութային ու ընդհանուր արժեքների վրա հիմնված կապերը, ինչպես նաև դրանց ամրապնդման գործում հայ համայնքների նշանակալի դերակատարումը:

Անդրադարձ կատարվեց բարեկամության խմբի հետ հետագա նախաձեռնություններին, այդ թվում՝ Եվրոպայի Հայ դատի գրասենյակի ներգրավվածությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր