Դիվանագիտական դպրոցի ունկնդիրների այցը Բելգիայում ՀՀ դեսպանություն

21 մայիսի, 2025

Մայիսի 21-ին Բելգիայում ՀՀ դեսպանությունը հյուրընկալեց ուսումնական այցի շրջանակներում Բրյուսելում գտնվող ՀՀ ԱԳ նախարարության դիվանագիտական դպրոցի ունկնդիրներին։

Հանդիպման ընթացքում դեսպան Բալայանը ներկայացրեց ՀՀ-Բելգիա, Հայաստան-Եվրամիություն և Հայաստան-Լյուքսեմբուրգ գործընկերության վերջին տարիների հաջողությունները և ընթացիկ աշխատանքները, ինչպես նաև անդրադարձավ միջազգային և տարածաշրջանային զարգացումներին, որից հետո տեղի ուենցավ ակտիվ հարց ու պատասխան։

Այնուհետև Դիվանագիտական դպրոցի այցի պատվին տեղի ունեցավ ընդունելություն, որին ներկա էին Բելգիայի ԱԳ նախարարության և Եվրախորհրդարանի մի շարք գործընկերներ, ինչը հնարավորություն ստեղծեց ապագա դիվանագետների համար հարցեր ուղղելու Բելգիայի և ԵԽ պաշտոնյաներին։

Նախօրեին դեսպանության նախաձեռնությամբ ԴԴ ունկնդիրները այցեր են կատարել Եվրախորհրդարան, ուր հանդիպումներ են ունեցել ԵԽ պատգամավորներ Հարավային Կովկասի հարցերով պատվիրակության նախագահ Նիլս Ուշակովի և նույն կոմիտեի անդամ Յեադիս Յեադիի, ինչպես նաև Բելգիաի ներկայացուցիչների պալատ, ուր հանդիպել են պատգամավորներ Դարյա Սաֆայի և Էլլեն Սամինի հետ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր